........قلبي سجين🖤
الكاتب_ إبراهيم سليمان_يكتب
🌾🌾🌾🌾🌾🌾🌾🌾🌾
آخر صفحة من مذكرات مناضل عربي حر فى سجون الاحتلال البريطاني.
الى كل أحرار العالم أهدي هذا العمل
(قلبي سجين)
جوا الضلوع
قلبي سجين
مستني فرحه
تمحى دمعتين
ترجعه وتحرره
تاني من سنين
تفرحه وهتفرحه
لو باللقا
قتل الحنين
ماسك ضلوعه
بإيديه الشقيانين
جوا سجنه
تصرخ دموعه
فى عنيه الدبلنين
وتشكي همه
ويشكي همه
ولا حد سامع
ولا حد همه
حتى اللي حبه
راضي بغلبه
والنبض جوا العروق
قل صداه حبتين
واللى عِلّي
ولمس القلوب
صوت الانين
يا مجروحين
يا مظلومين
يا اللي لترابها
عاشقين
يا اللي عشانها
مسجونين
ويا مسجونين
بين الضلوع
طفوا االشموع
وكلموا ضلكم
اللى مات زيكم
جوا العيون
جوا السجون
واتخيلوه
أصغر كتير
لسه شباب
لسه بخير
والعمر لسه
فيه سنين
جايه تنادي
تصحي القلوب
النعسانين
بحلم نادي
طَرْحُه بدم
المجروحين
المقهورين
المظلومين
المسجونين
ويا مسجونين
جوا الضلوع
طفوا الشموع
وكلموا ضلكم
اللى مات زيكم
جوا العيون
جوا السجون
واتخيلوه
أصغر كتير
لسه شباب
لسه بخير
والعمر لسه
فيه سنين
والحلم لسه
فى العينين
يرسم بدمعه
سكة عاشقين
والفرح لسه
بيتولد
وبيتكتب
فوق الجبين
إبراهيم سليمان
تعليقات
إرسال تعليق