الشاعر محمد حديش يكتب:
توحشتك يا أمي...
🌴الشاعر محمد حديش🌴
يكتب✍️:
🌴🌴🌴🌴🌴🌴🌴
♤قصيدة رثاء زجلي♤
تْوَحَّشْتَكْ يامِّي
~~~~~~~~
تْوَحَّشْتَكْ يامِّي الْغالْية بَضْحَكْتَكْ الحْنينَة
وَالله صورْتَكْ مافَرقاتني ديما فييا ضاوْيَة
نْسايْمْ نْفاسَكْ المْعَطْرَة فْ قَلْبي زاهْيَة
حَنانَكْ بَمْحَبْتَكْ مْغَلْغْلا فْ روحي راوْيَة
وْتَبْسيمْتَكْ نورْ مْشَعْشَعْ فْ عْماقي باهْيَة
دَعَواتَكْ مْضَوْيا حَياتي ؤُعْلِيا راضْيَة
أنا عْلَى عَهْدَكْ وْتَرْبيتَكْ زَرِّيعَة فايْحَة
مُحالْ نْساكْ حَتَّى تَطْلَعْ روحي باكْيَة
مْشَوْقَة لْروحَكْ عَنْدْ رَبْنا الْعالي مْلاقْيَة
راني عْلى فْراقَكْ مْصَبًّرْ نَفْسي الهايْمَة
عْلى وَحْشَكْ أنا يا المِّيمَة الغاليَة دَمْعَة حانْيَة
صورْتَكْ مْزِّينْها مَمْفارْقَة مَنْ حَرْفي قافْيَة
وَكْلامَكْ الدَّافي الحْنينْ نْغايْمْ جْواهَرْ غالْيَة
مازَلْتْ نَدْكَرْ دَعَواتَكْ لي بَفْراشْ موتَكْ فايْضَة
الله يْنَقِّي طْريقَكْ مَنْ الشُّوكْ وَيْحَفْضَكْ أَوَلْدي
القَلْبْ عْلى فْراقَكْ مْأَتَّرْ وْالنَّفْسْ مْسَلْمَة راضْيَة
الله يْجَدَّدْ عْليكْ رَحْمَة رَبِّي السْخِيَّة ماخافْيَة
وْكُلْ مَنْ فْقَدْ مِّيمْتو الحْبيبَة لِّي مْعَزْتْها غالْيَة
☘️☘️☘️☘️☘️☘️☘️
بقلم محمد حديش
م͠ ج͠ ح͠
05/12/2016
تعليقات
إرسال تعليق