دقدق بائع الفول

 قصة ~ دقدق بائع الفول

الكاتب ~ حسن سعيد ~ يكتب..

~~~~~~~~~~~~~~

الجزء الثاني من

دقدق بائع الفول

--:أيوه حضرتك بتاخد كل يوم  بتنين جنيه فول و زيهم بليله وتسيب الباقي للحجاره صح.؟

ضحكت من قلبي جدا

--:كل يوم يجي ويحكيلي ونضحك زي كل يوم كأنها أول مره ربنا يحفظك ويفرحك بولادك يارب.

--: المهم قوليلي هو ماله؟ وإيه حكاية يتيم الاب والأم دي هو مش أبنك..؟

--:أولا لا مش أبني ..منصور يبقى ابن بنتي ماتت وهيا بتولده وأبوه من ضيق الحال رماهولي و دخل السجن تأبيده من وهو عنده سنة .

--: امال تعور ازاي ؟

  --: كان راجع من السرحه بتاعة كل يوم وطلع عليه عيل مبرشم مرشد للحكومه كان بيضربه والمخبر معدي معبرهوش الواد كان مثبته بموس عايز ياخد الفلوس إللي معاه منصور خبطه بالجرس التاني طلع الموس وعوره في وشه واخد 30غرزه داخلي وخارجي ولُكميات في وشه وزحفه على الأرض والمخبر على القهوة ماتحركش عشان ده المرشد بتاعهم على الناس اللي بتسهر في المسجد أو بتصلي الفجر وتقعد تسمع درس الفجر أو بين المغرب والعشا.

--: لا حول ولا قوة إلا بالله

--: كنت مرعوبه منك ياباشا

--: مني أنا ؟ ليه.؟  

--:    كنت بحسبك أمين شرطة ولا من بتوع البلديه وهاتقلب الفول او تاخد التشت لكن ربنا ستر.

--:  عايز أروح أطمن على منصور (دُقدُق) تيجي معايا ولا توصفيلي.؟

--: تعالى ورايا من غير ماحد ياخد باله .

--: خير يا حاجه ؟ 

--: منصور عندي في الشقه مخبياه.. مش بيطلع منها الناس عارفه انه لسه في المستشفى.. عشان الواد المنيل عايز يعوره تاني وأنا خايفه عليه.

روحت وراها الشقه عباره عن غرفه وصاله صغيره، في حجم نفس الغرفه وحمام من داخل المطبخ، بالكاد يكون مطبخ هو بوتاجاز ورخامه على اليمين، واللي واقف يعمل الأكل واقف في سكة الحمام.

والفرش في الارض يدوبك حاجه ساتره البلاط المشبع رطوبه والحوائط كلها ملح تشققات و رشح مياه من آثار الصرف الصحي حولهم دخلت على منصور الأوده وجدته على كنبه بلدي عليها كليم ومسند نايم عليها ومتغطي ببطنيه سوداء ميري فكرتني بالعسكريه أول لما شافني أعتدل.

--: باشا باشا معقوله..؟ إزي حضرتك وصلت هنا .؟إزاي عرفت البيت؟ من مين.؟

--: أنت غالي عليا أوي انا فرحان اني شفتك بجد.

كل ده وأنا مبتسم في وجهه تركته يتكلم على سجيته.

--: تفضل ياباشا

كانت الحاجه عملت كوب شاي و أحضرته .

--: منصور قوم أنا عايزك وعايز أكلم الحاجه كمان محتاج أتكلم معاكم ممكن تسمعوني..؟

هاقولكم على طلب ورجاء مني ممكن..؟

انا ولادي مسافرين خارج مصر.. عايشين بره في أوربا وانا وحداني عايز حد يعمل صوت ودوشه و ونس في البيت.. انتم تتفضلوا تعيشوا معايا في الفيلا ..انا شقتي دورين فيلا داخل العماره وحاسس بغربه فيها .

هاسيبلكم الدور السُفلي نعيش فيه كلنا طول النهار.. و وقت النوم هانام فوق وانتم ليكم تحت غرفه كبيره بالحمام الخاص بيها دي مخصصه لضيوف والمطبخ جنبها .

نفطر ونتغدا ونتعشا كمان سو�

حسن سعيد إبراهيم

نبض 💓  يكتبه 📝

جمهورية مصر العربيه